ОРМУЗЫН НӨХЦӨЛ БАЙДАЛ ДАХИН ХУРЦДАХ УУ?

2026-04-12

АНУ Ираны хэлэлцээ бүтэлгүйтсэний дараа Дональд Трамп Персийн булангийн стратегийн чухал гарц Ормузын хоолойг хаах шийдвэр гаргаж буйгаа дөнгөж сая зарлав. Ормузын хоолойг энэ удаад Иран биш АНУ хаах нь анхаарал татаж буй бөгөөд АНУ-ын тэнгисийн цэрэг уг хоолойгоор дамжин өнгөрөх усан тээврийн хөдөлгөөнийг хянаж, Иранд төлбөр төлсөн онгоцуудыг саатуулах, шаардлагатай тохиолдолд буцаана гэв. Мөн Ормузын хоолойн аюулгүй байдлыг хангах үүднээс тэсрэх бөмбөгнүүдийг цэвэрлэх ажиллагаа явуулах аж.

Дональд Трампын зарласан “blockade” буюу тэнгисийн цэргийн бүслэлт гэдэг нь өөр улсын худалдаа, тээврийг хүчээр зогсоох, цэргийн хүч ашиглахад бэлэн байна гэсэн утга илэрхийлнэ. Өөрөөр хэлбэл “blockade” буюу бүслэлтийг дайн өргөжинө гэж шинжээчид үздэг.

Учир нь Ираны хувьд Дональд Трампын уг шийдвэрийг хүлээн зөвшөөрөхгүй. Иранчууд өөрийн бүсэд гадны цэргийг нэвтрүүлэхгүй байх бүх арга хэмжээг авна гэж шинжээчид харж байна.

Дональд Трампын гэнэтийн уг шийдвэр нь АНУ болон Ираны хооронд болсон хэлэлцээ амжилтгүй болсонтой холбоотой бөгөөд талуудын гол маргаан нь Ираны цөмийн хөтөлбөрийн асуудал байв. Мөн АНУ-ын зүгээс Ираныг олон улсын усан зам Ормузыг хааж, дамжин өнгөрөх хөлөгүүдээс төлбөр авсан хэмээн буруутгасан бол Ираны тал үүнийг няцаасан юм.

Ормузын хоолойд ямар нэгэн цэргийн үйл ажиллагаа эхлэх нь дэлхийн нефтийн нийлүүлэлтэд шууд нөлөөлж, олон улсын зах зээлд тогтворгүй байдал үүсгэх эрсдэлтэй. Тус хоолой нь дэлхийн нефтийн экспортын томоохон хэсгийг дамжуулдаг стратегийн бүс бөгөөд аливаа хязгаарлалт тавигдах нь бүс нутгийн төдийгүй дэлхийн эдийн засагт нөлөөлнө.

Одоогоор нөхцөл байдал хэрхэн өрнөх нь тодорхойгүй байгаа бөгөөд олон улсын хамтын нийгэмлэг энэхүү шийдвэрт анхааралтай хандаж, цаашдын үйл явцыг ажиглаж байна.

Сүүлд нэмэгдсэн

ЭРЧИМ ХҮЧНИЙ САЛБАРЫН ХӨРӨНГӨ ОРУУЛАЛТЫН ОРЧИН, ТӨСӨЛ ХЭРЭГЖҮҮЛЭХ БОЛОМЖИЙГ ХЭЛЭЛЦЛЭЭ

2026-04-16

ГАДААД ХУДАЛДАА, ЭКСПОРТЫН ЗОХИЦУУЛАЛТЫГ САЙЖРУУЛАХ АСУУДЛЫГ ХЭЛЭЛЦЭВ

2026-04-16

УЛСЫН ХЭМЖЭЭНД 4.2 САЯ МАЛ ТӨЛЛӨӨД БАЙНА

2026-04-14

Төсвийн байнгын хорооны дарга Н.Наранбаатар НҮБ-ын Хөдөө аж ахуйг хөгжүүлэх олон улсын сангийн төлөөлөгчдийг хүлээн авч уулзлаа

2026-04-14

МОНГОЛ УЛС НҮБ-ЫН СТАТИСТИКИЙН КОМИССЫН ГИШҮҮНЭЭР СОНГОГДОВ

2026-04-13

“ЭРЧИМ ХҮЧНИЙ САЛБАРЫН ДОЛОО ХОНОГ” ЭХЭЛЛЭЭ

2026-04-13

АЛБАДАН ГАРГАСАН ГАДААДЫН ИРГЭДИЙН ТОО 28 ХУВИАР НЭМЭГДЖЭЭ

2026-04-13

ОН ГАРСААР 48 УДААГИЙН ОЙ ХЭЭРИЙН ТҮЙМЭР ГАРЧЭЭ

2026-04-13

ОРОН НУТГИЙН 100 ОЮУТАН "НИППОН САН"-ГИЙН БҮРЭН ТЭТГЭЛГЭЭР СУРАЛЦАЖ БАЙНА